Pokemon GO 潮流玩意

我家樓下海旁從未見過咁多人喺街，中秋亦無咁多人，玩哩個手機遊戲，真喺老中青，全城熱捧，我亦趕下潮流玩下做訓練員，同啲細路仔有啲話題，當然無啲靚仔咁癲喺街走嚟走去捉精靈，睇下攻略都有，又真喺喎，平時放工只喺返屋企，好少喺附近屋苑公園逛下，今次為咗捉精靈都有行下，原來公園內喺有狗公園。

我玩得麻麻，又唔喺咁識，玩咗一個月，只喺18級，精靈級數都好低，有個靚仔帶我去附近巴士總站，有個搏擊點打擂台，話可以快速增加段數，一入搏擊點唔使兩下被人KO，真淤呀！

捉下捉下，蓄下蓄下，都有過百，有兩細路教下路，又快上手，收集點攞精靈球，啲道具點用，拋精靈球手法捉精靈，

上面得幾隻精靈見得下人，有啲仲進化未成。

有blog友有玩，可以分享下。

唔講唔知，哩個手機遊戲除咗令任天堂賺大錢之外，仲破咗五項世界紀錄，
一個月內有1億3000萬個下載用戶最快紀錄，
在推出的第一個月，創下了1 億 650 萬美金的營收。

PS...大家捉精靈玩嘅時候，真喺要非常小心街上行人車輛，由其喺過馬路，以免發生意外。